2013年9月28日 星期六




29-Sept-2013








2011
年開始在YB建立一個小地盤寫下東寫下西, 初初建立時都覺困難重重. 幾度想放棄之祭, 但又無厘頭地解決到我都唔記得左係乜嘢難題.



 



有好多事要親身經歷過才領略到箇中困難, 經營一個步落格其實殊不容易. 有好多blog友真的十分努力及細心去打理自己的步落格, 我看到除了心生佩服之外還明白到點解小妹的步落格收視率長期低水, 就是因為我乸西! 哈哈! 呢樣嘢我係知架, 不過人懶無藥醫之嘛.



 



衷心感謝Yahoo提供一個免費的平台讓我抒發, 同時亦讓我在這裡認識到好幾位談得來的網友, 例如在台灣甩了很多腳毛的1733, 廚藝精湛的MOONmoon,
用雙腳走遍地球的Anna等等(排名不分先後).



 



好多blog友都搬左去Googleblogger.
可惜我人笨又懶, 攪極都唔明, 身水身汗, 仲死左好多巳經所餘無幾的腦細胞. 我只係一介"凡婦俗女", 想有個空間俾我寫下垃圾啫, 要我變身成為IT技術人員, 我覺得好麻煩又費神.



 



為了慣切我懶人的精神, 我唔打算再寫了, 大家好好保重啦~




花椒醋炒土豆絲





27-Sept-2013






真失, 第一次食土豆絲是十幾年前同家姐去北京旅行時在一家地踎餃子店吃的.  我地兩個"港燦"都唔知土豆絲係乜就點來吃. 後來先知土豆即係我地既馬鈴薯.  平時食薯仔的方法不離咖喱薯仔雞翼, 蕃茄薯仔煲湯, 母親大人的家傳薯仔餅還有西式的hash brown或焗薯茸.......原來薯仔切成幼絲再炒, 咁既食法好清新滋味, 無咁starchy又可以食到薯仔本身既味道. 那時才知道原來薯仔既食法咁廣泛, 係我地井底蛙而巳



回港之後都巳把炒土豆絲忘得七七八八, 係近年偶然在一些地方菜館見到, 有些還以冷盤形式奉客.  曾經要求媽媽做給我吃, 佢都做得似模似樣, 不過土豆絲變左"土豆棍"囉, 因為切得好似擂漿棍咁粗呀!

在肥媽的食譜書內都有一個名稱很誘人的炒豆土絲菜式, 便是這個"花椒醋炒土豆絲". 我估肥媽都係在大陸工作時吃到, 再自行研發吧!



材料:


調味料



做法:

薯仔2個去皮切絲(大約有400克), 浸於冷水中 (間中用手搓下佢, 等佢去咁d 澱粉質, 炒出來會更爽脆)


薯仔絲撈起, 用布抹乾水份


燒熱油鑊, 先下花椒爆香


跟住爆香指天椒


跟住爆蒜茸



花椒, 指天椒及蒜茸爆香後加入薯仔絲炒至轉色


加入紅甜椒絲炒勻 (原著是加入紅辣椒, 不過我手邊無, 就用左早幾日用剩既紅甜椒代替)


加入調味料. 先放雞粉炒勻



接著放豉油, 炒勻



最後放陳醋, 炒至自己喜歡的軟硬程度. 可以夾一條試下, 如果好似蘋果咁脆就係未得, 要炒多陣. 另外仲要試味. 我覺得除左醋酸味, 乜味都無. 所以自行加左鹽半茶匙及糖1/2湯匙才夠味呀


花椒方面, 我驚麻果頭我食唔到, 所以只落了約1/2茶匙. 但原來炒起唔係好覺佢既香味, 我諗可以增加至1茶匙



很便宜的一道菜, 5蚊雞2個薯仔!


2013年9月27日 星期五

涼拌金菇




 
 

25-Sept-2013






基本上所有菇菌類我都鍾意食, 尤其是金菇.  有時見到街巿賣到好平, $10/3, 一定會買幾包看門口. 炒又得, 淥麵食又得.  不過我知有些人就唔鍾意佢煮熟後滑san san的口感.



 



金菇唔單止美味, 由於含有豐富的粗纖維, 可以幫助你上大號時路路暢通”.
金菇一般都需要煮熟食用, 但如果閣下深受便秘問題困擾很的話, 不防試試用一把生金菇放入攪拌打碎飲用, 包你如願以償.



 



金菇另一更堅之處是可以防癌, 尤其是肝癌. 有研究數字顯示, 肝癌患者多吃金菇後, 肝癌腫縮少.  至於怎樣為止多吃”, 我諗起碼每星期吃3次以上.



 



至於怎樣選品質好的金菇? 不論在超巿買或是在街巿買, 金菇都係真空包裝的.  如果真空包裝巳呈現漏氣便不要買, 至於菇傘反而不是大朵就好, 這代表老. 而菇傘細個反而較嫩.
































材料



份量



金菇



2



青瓜



1小條



紫洋蔥



半個



紅甜椒



1



蔥花



適量








配料

































材料



份量



蒜泥



1.5湯匙



白胡椒粉



¼茶匙





1茶匙





3茶匙



米醋



1湯匙



麻油



1茶匙







做法:

金菇切去根部, 其餘部份對切一半


燒滾一鍋水, 下適量鹽


加入金菇, 灼半分鐘, 撈起


馬上浸入一盆冰水上


稍涼後轉入筲箕


取一至兩條乾淨乾毛巾, 分批把金菇榨乾水份, 不要太大力啊. 之後放入雪櫃待用


蔥切成蔥花, 待用


青瓜切去頭尾, 把兩端的白色汁液捽出後沖洗乾淨


青瓜切幼絲, 待用


紫洋蔥切幼絲, 待用


紅甜椒切去蒂, 尾及挖去籽. 其餘部份切幼絲


取一大碗, 先放金菇及青瓜絲, 撈勻


加入紫洋蔥撈勻


加入紅甜椒絲撈勻


加入蒜泥


白胡椒粉








米醋


及麻油撈勻. 放入雪櫃雪凍即成


臨吃時洒上蔥粒






註: 蔬菜款式任君選擇, 但當中要以金菇的比例為最多 

2013年9月26日 星期四

伯爵茶muffin



 





24-Sept-2013




近月整過3次伯爵茶口味的糕點, 包括: 戚風蛋糕, 慕絲蛋糕及吐司麵包.   三樣的茶味都唔係好明顯, 當中以麵包出來的效果最差.

咁我又唔會同伯爵茶絕交既, 總覺得他朝有日給我遇到個啱咀形既食譜......

這個食譜是早安排在免費報紙剪下的, 好似係"頭條日報". 原著是出於一本, 名為"巧手裝飾蛋糕". 剛好屋企有盒就過期的奶要消滅, 整muffin呢d簡單嘢最啱我.


慣性動作, 我自行減左少少糖! 食得甜既可以加至110克. 另外泡打粉我都減左量.



可製作8muffin









































材料



份量



無鹽牛油



140



幼砂糖



105





2隻 (100克)



伯爵奶茶



82



伯爵茶茶包



3



低筋麵粉



180



泡打粉



5





2




 



伯爵奶茶材料

















材料



份量



伯爵茶茶包



2



鮮奶



110








先做伯爵奶茶. 奶加熱至80度, 2個茶包剪開, 把茶葉碎加入巳溫熱的奶內焗10分鐘

然後把奶茶濾出, 約得80至82克, 放涼備用


泡打粉加入麵粉內


再把鹽加入麵粉內, 過篩2次, 待用


牛油室溫中放軟, 用打蛋機打散


加入糖打至乳白色



蛋拂勻, 分3次加入, 每次必須拌勻才加入下一次


加入1/3巳過篩粉類, 拌勻



 3個茶包剪開, 把茶葉碎加入及拌勻. 拌勻後加入餘下麵粉, 拌勻


最後把巳放涼的伯爵奶茶分3次加入麵糊內, 每次必須拌勻才加入下一次


拌好的麵糊


把麵糊分放入模內, 每個模注入76克麵糊



180度, 開風, 置中層, 焗23-24分鐘. 焗至一半時時要轉一轉個焗盆的方向, 咁d muffin頂就唔會吹到歪埋一邊


完成



在沒有期待之下, 結果反而令我很滿意. 這食譜有很濃郁的伯爵茶味, 啖啖回味, 算是了郤我小小的心願吧











我唔鍾意食濕料混合後再和乾料撈勻然後焗果種muffin, 無錯係易做又快攪掂, 但口感好crumbly, 個人較喜歡綿密的texture.